Azərbaycan, Bakı, 06 yanvar / Trend , müxbir Ü.İsmayılova/ "Dünya Bankı (DB) "Azərbaycanda sosial müdafiənin inkişafı" birgə layihənin realizəsinin başlaması ilə əlaqədar fevralda Bakıda tanışlıq seminarı keçirməyi planlaşdırır", - Əmək və Əhalinin Sosial Müdafiəsi Nazirliyinin Beynəlxalq əməkdaşlıq şöbəsinin rəhbəri Elnur Sultanov çərşənbə axşamı bildirib.
"Seminar zamanı layihənin realizəsinin başlanğıc mərhələsində fəaliyyət planı hazırlanacaq", - Sultanov deyib.
Onun sözlərinə görə, layihənin tam realizəsi fəaliyyət planı hazırlandıqdan sonra və inzibati məsələlər həll olunduqdan sonra fevral-martda başlayacaq.
Dünya Bankı və Azərbaycan hökuməti arasında "Azərbaycanda sosial müdafiənin inkişafı" layihəsi üzrə 54,6 mln. dollar dəyərində kredit sazişi 2008-ci ilin noyabrında imzalanıb. DB layihənin maliyyələşdirilməsi üçün Beynəlxalq Inkişaf Assosiasiyasınən şərtləri əsasında (10 il güzəştli dövr olmaqla 35 ilə və illik 0,75 faiz dərəcəsi ilə) 26,7 mln. dollar kredit ayıracaq.
Layihəyə dörd komponent daxildir: əmək bazarının müasirləşdirilməsi, o cümlədən əmək qanunvericiliyinin, əməyin mühafizəsi sisteminin, məşğulluq idarələrinin işinin təkmilləşdirilməsi; sosial təminat sistemi siyasətinin formalaşdırılması; pensiya sisteminin müasirləşdirilməsi və layihənin idarə edilməsi.
Layihə çərçivəsində peşə təhsili sisteminin tam institusional inkişafı və müasirləşdirilməsi, Avropa təcrübəsi əsasında peşəkar təsnifat mütəxəssislərinin hazırlanması nəzərdə tutulur. Nazirliyin nəzdində peşə təhsili mərkəzlərinin açılması da nəzərdə tutulur.
Layihə reallaşdırılma dövrü ilə 5 ilə - 2008-2013-cü illərə hesablanıb.
DB sosial sektorda artıq bir layihəni maliyyələşdirib. 2005-ci ildən "Pensiya islahatları və sosial təminat" layihəsi reallaşdırılır. Bu layihəyə bank tərəfindən 10 mln. dollar ayrılıb.
Müəlliflə əlaqə saxlamaq üçün elektron ünvan: [email protected]