Azərbaycan, Bakı, 08 yanvar/ Trend , müxbir E.İsmayılov/ Azərbaycanın Nəqliyyat Nazirliyi cümə günü Ələt qəsəbəsində yeni Beynəlxalq Bakı Dəniz Limanının tikintisi layihəsi tender təkliflərinin qiymətləndirməsini aparacaq, - Azərbaycanın Nəqliyyat Nazirliyindən cümə günü bildiriblər. Tenderdə üç şirkət iştirak edir.
"Tender təklifləri beş şirkətə göndərilsə də, onlardan yalnız üçü iştirak üçün bütün sənədləri təqdim ediblər", - Nazirlikdən bildiriblər.
Polşa şirkəti tenderdə iştirak üçün sənəd təqdim etməyib, Fransa şirkəti zəruri sənədləri hazırlaya bilməyib, - mənbə deyib. Tenderdə Britaniya və Hollandiya şirkətləri iştirak edəcək. Mənbə tenderdə iştirak edəcək üçüncü şirkətin adınını açıqlamayıb.
Azərbaycanın Nəqliyyat Nazirliyi 2009 - cu ilin ortalarında yeni Beynəlxalq Bakı Dəniz Limanının tikintisi layihəsi üzrə podratçının müəyyən edilməsi üçün tender elan etmək niyyətindədir, - Azərbaycanın nəqliyyat nazirinin müavini Musa Pəhanov əvvəllər deyib. Bundan sonra tikinti işlərinə başlamaq planlaşdırılır.
Əvvəllər Koreyanın GS Engineering & Construction şirkəti layihənin texniki - iqtisadi əsaslandırılması və ilkin layihə işlərinin yekunlarını başa çatdırıb və təqdim edib. Limanın tikintisinə 2009 - cu ildə başlamaq planlaşdırılır. Onun yaradılması üzrə bütün işləri 2015 -ci ilə başa çatdırmaq nəzərdə tutulur.
Azərbaycanda yeni multimodal dəniz limanı tikiləcək; gələcəkdə bu ərazidə logistika mərkəzindən başqa, azad iqtisadi zona yaradılması planlaşdırılır.
Ələt qəsəbəsində yeni beynəlxalq dəniz limanının tikintisi üç mərhələdə həyata keçiriləcək və 2015 - ci ilə başa çatacaq. Layihənin 2008 - 2010 - cu illəri əhatə edən birinci mərhələsi iki bərə, konteynerlərin, "ro-ro" tipli gəmilərin və adi (universal) quru yük gəmilərinin qəbulu üçün üç yük körpüsünün tikintisini nəzərdə tutur. Layihənin ikinci mərhələsi 2011 - 2013 - cü illəri əhatə edir və daha üç, üçüncü mərhələ isə (2014 - 2015 - ci illər), əlavə olaraq 2 yük körpüsünün tikilməsini nəzərdə tutur.
Limanın tikintisi layihəsi 400 mln. dollardan çox qiymətləndirilir.
Müəlliflə əlaqə saxlamaq üçün elektron ünvan: [email protected]
