Azərbaycan, Bakı, 13 yanvar/ Trend , müxbir Ü.İsmayılova/ 2008-ci il ərzində Azərbaycanın Daşınmaz Əməlakın Dövlət Reyestri Xidmətinə (DƏDRX) əmlakın qeydiyyatı üçün 359,41 min müraciət daxil olub ki, bu da 2007-ci ilə nisbətdə 7,3 faiz çoxdur. Bu barədə çərşənbə axşamı Dövlət Xidmətindən bildiriblər.
Bu dövr ərzində Dövlət Xidməti tərəfindən 212,09 min çıxarış, 84,8 min əmlak üzrə texniki pasport, 18,3 min əmlakın yüklülüyü barədə sənəd (onlar üzrə ipoteka, icarə və istifadəyə dair dövlət qeydiyyatı aparılıb), həmçinin əmlakın qeydiyyatı üçün 36,5 min digər arayışlar verilib.
Dövlət Xidmətindən verilən çıxarışların sayı il ərzində 4,7 faiz, əmlak üzrə texinki pasportların sayı isə 31,3 faiz artıb.
Məqalə müəllifi ilə əlaqə ünvanı - [email protected]