Azərbaycan, Bakı, 22 yanvar/ Trend , müxbir N.İsmayılova/
Asiya İnkişaf Bankının (AİB) İdarəçilər Şurasının 42 - ci illik sessiyası mayın 5 - də Balidə (İndoneziya), Beynəlxalq Konvensiya Mərkəzində keçiriləcək, - Bankın məlumatında deyilib. İqtisadi inkişaf naziri Şahin Mustafayev Azərbaycandan AİB -də idarəçidir.
Görüşlər bankın idarəçilərinə AİB -in əməkdaşları, qeyri - hökumət təşkilatları, KİV və müşahidəçi ölkələrin, beynəlxalq təşkilatlar və özəl sektorun nümayəndələri ilə qarşılıqlı fəaliyyət göstərmək imkanını təmin edir. Adətən, bankda görüşlərdə konkret ölkə ilə əməkdaşlıq strategiyası müzakirə edilir.
2007 - ci ilin sentyabrınadək AİB - in dövlət zəmanəti altında maliyyələşdirdiyi layihələrin ümumi portfeli 104 mln. dollar təşkil edib. Azərbaycanın AİB - lə əməkdaşlığa başladığı vaxtdan - 1999 - cu ildən üç layihə maliyyələşdirilib. Lakin nəqliyyat layihələrinin maliyyələşdirilməsi üçün ümumi dəyəri 500 mln. dollar olan Multitranche Financing Facility (MFF) mexanizmi və enerji layihəsinin təsdiqlənməsi nəticəsində, portfel 519,4 mln. dollaradək artıb.
Asiya bankı dövlət zəmanəti altında maliyyələşdirmə həcminin artırılması ilə yanaşı, Azərbaycanın bank sektorunun birbaşa maliyyələşdirilməsi üzrə əsas oyunçuya çevirlməyə başlayıb. Bu gün AİB Azərbaycan bankları üçün 56 mln. dollar məbləğində kredit xətlərini təsdiq edib. Asiya İnkişaf Bankı hələ 2007 - ci ilin yayında Azərbaycanın bank sektoru üzrə portfelin genişləndirilməsi və 120 mln. dollara çatdırılmasını elan etsə də, dünya maliyyə böhranının güclənməsi nəticəsində, bank bütün bəyan edilmiş həcmi mənisməyə bilməyib.
AİB 1966 - cı ildə təsis edilib və 67 üzvü var. Onun mənzil - qərargahı Filippinin paytaxtı Manilada yerləşir. Azərbaycan Asiya Bankının üzvlüyünə 1999 - cu il dekabrın 22 - də qəbul edilib və onun bankın kapitalında iştirak payı 0,5 faizdir.
AİB - in aparıcı səhmdarları Yaponiya və ABŞ (ümumi səhmdar kapitalın 31,2 faizi), Hindistan və Çin (12,8 faiz), Avstraliya, Cənubi Koreya və Kanada (16 faiz) və başqalarıdır.
Müəlliflə əlaqə saxlamaq üçün elektron ünvan: [email protected]
