...

Yaponiya Azərbaycanın aztəminatlı fermerləri üçün qrant ayırıb

Biznes və iqtisadiyyat xəbərləri Materials 30 Yanvar 2009 19:31 (UTC +04:00)

Azərbaycan, Bakı, 30 yanvar/ Trend , müxbir S.Babayeva/

Yaponiya Azərbaycana aztəminatlı fermerlərə yardımı nəzərdə tutan qrant təqdim edib. Kənd təsərrüfatı naziri İsmət Abbasov və Yaponiyanın Azərbaycandakı səfiri Masamitsu Oki cümə günü "Aztəminatlı fermerlərə yardım" layihəsi üçün nota mübadiləsi çərçivəsində sənədləri imzalayıblar. Qrantın məbləği 3,4 milyon dollardır.

"Yaponiya bu vəsaitlərə tender vasitəsilə Azərbaycan üçün taxılyığan kombaynlar alacaq və düşünür ki, bu kombaynlar taxıl mövsümünə özlərini çatdıracaqlar", - nazir bildirib.

Yaponiya hökuməti layihə çərçivəsində ərzaq istehsalının təkmilləşdirilməsi məqsədilə yardım alan ölkələrə gübrə və kənd təsərrüfatı texnikasının alınmasında maliyyə yardımı göstərir.  Alınmış texnika və gübrədən ölkə daxilində istifadə hesabına formalaşan gəlirlər tərəfdaşlıq fondunda toplanır və sonradan yoxsulluğun azaldılması üzrə layihələrə yönəldilə bilər. Proqram ilk dəfə 1977 - ci ildə, Yaponiyada təqdim olunub.

Yaponiya, yeni layihə də daxil olmaqla, 1998 - ci ildən Azərbaycanda aztəminatlı fermerlər üçün dəyəri 27 milyon dollar olan səkkiz qrant layihəsini həyata keçirib. Layihələr nəticəsində 232 taxılyığan kombayn və 345 ədəd müxtəlif kənd təsərrüfatı texnikası alınıb.

Yaponiyanın Azərbaycana rəsmi yardımı 730 milyon dollara çatır. Bu yardım iqtisadi infrastruktur, kənd təsərrüfatı, ölkənin mədəniyyəti və insan ehtiyatlarının yaxşılaşdırılmasına yönəlib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti