Azərbaycan, Bakı, 03 fevral/ Trend , müxbir E.İsmayılov/ Bakı metropoliteni yeni "Mikayıl Müşfiq" metro stansiyasının inşası üzrə işlərə başlayıb, - metropolitendən işlərə yaxın mənbə çərşənbə axşamı bildirib.
"Artıq bu stansiya üçün özülün qazılmasına başlanılıb", - mənbə deyib. Bununla belə, yeni stansiyanın inşasına ayrılmış vəsaitlərin həcmini açıqlanmayıb.
Stansiyanın ilkin layihəsi hələ 1990-cı illərdə hazırlanıb və onun köhnə adı "İnqilab"dır. Stansiyanın yerinin 400-500 metr dəyişdiriləcəyi planlaşdırılır.
Yeni stansiya Bakının yeddinci mikrorayonunda yerləşəcək və səkkizinci mikrorayon ərazisində tikilməkdə olan "Azadlıq Prospekti" stansiyasından sonra gələcək.
"Azadlıq Prospekti"nin inşası üzrə işlər qrafika uyğun aparılır və ilin sonunda onu istismara vermək planlaşdırılır, - mənbə bildirib.
Bakı metropoliteni ("İçəri Şəhər" stansiyasından "Nəriman Nərimanov" stansiyasınadək üç aralıq stansiya ilə) 1967-ci ildən fəaliyyət göstərir. Metropolitenin yeddi stansiyası ("İçəri Şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası") dərin enişli, Bakmil - yerüstü, qalanları isə sütunlu, dayaz enişlidir (cəmi 21 stansiya).
Müəlliflə əlaqə saxlamaq üçün elektron ünvan: [email protected]
