Qazaxıstan, Astana, 25 fevral / Trend , müxbir K.Arınova / "İnsan İnkişafı İndeksi (İİİ) üzrə dünya reytinqində Qazaxıstan 20 pillə irəliləyib", - ölkə başçısı Nursultan Nazarbayev əhalinin milli siyahıyaalınmasının başlanması ilə bağlı müraciəti zamanı deyib.
"Birinci siyahıyaalmadan ötən 10 il ərzində ölkənin həyatında böyük dəyişikliklər baş verib. Dünya İİİ reytinqində ölkə 20 pillə irəliləyib. YUNESKO-nun məlumatına görə, Qazaxıstan 129 ölkə arasında Təhsil İnkişafı İndeksinə görə birinci yerdədir", - Nazarbayev bildirib.
Onun sözlərinə görə, ölkə iqtisadiyyatı bazar mövqeyində möhkəmlənib, demoqrafik durumda qırılmaya nail olunub - doğum sayı artıb, əhalinin güzəranı yaxşılaşıb, on il ərzində pul gəlirləri beş dəfə artıb.
"Bu gün Qazaxıstanın insan potensialının yeni keyfiyyət parametrlərini bilmək çox vacibdir. Siyahıyaalma ilə biz əhalinin həyatında baş vermiş dəyişikliklər haqda dəqiq məlumatlar almaq niyyətindəyik", - dövlət başçısı deyib.
Nazarbayevin sözlərinə görə, Qazaxıstanın təsirini öz üzərində hiss etdiyi dünya böhranı cəmiyyətin bütün tərəflərinin radikal yenilənməsini də nəzərdə tutur. "İnsanlar yenilənməlidir, bizə yeni yaradıcı şəxsiyyətlər lazımdır", - prezident vurğulayıb.
Favralın 25-dən etibarən Qazaxıstanda çox vacib və məsuliyyətli aksiya başlayır - əhalinin milli siyahıyalması. Bu Qazaxıstanın müstəqillik dövründəki ikinci siyahıyaalmasıdır.
Məqalə müəllifi ilə əlaqə ünvanı: [email protected]
