Azərbaycan, Bakı, 26 fevral / Trend , müxbir Ü.İsmayılova /
Bakıda Avropa Komissiyası yanında Ümumdünya Turizm Təşkilatının 49-cu iclası keçiriləcək. Bu barədə Azərbaycan Mədəniyyət və Turizm Nazirliyinin məlumatında bildirilir.
Martın 24-26-da keçiriləcək iclas zamanı "İqtisadi böhranın Avropa turizminə təsiri" mövzusunda texniki seminar da nəzərdə tutulub.
Tədbirlərin işində 45 ölkənin nümayəndə heyəti iştirak edəcək.
İclasın Bakıda keçirilməsinə dair qərar 2008-ci ilin mayında Ümumdünya Turizm Təşkilatının Praqada keçirilən 48-ci iclasında qəbul olunub.
Məqalə müəllifi ilə əlaqə ünvanı - [email protected]
