Azərbaycan, Bakı, 27 fevral / Trend , müxbir N.İsmayılova / "Azərbaycan iqtisadiyyatı üçün uyğun inflyasiya səviyyəsi 5-6 faizdir", - cümə günü Azərbaycan Milli Bankının (AMB) idarə heyətinin sədri Elman Rüstəmov deyib.
"İllik hesablamada inflyasiyanın səviyyəsi təxminən 12 faiz təşkil edir və biz düşünürük ki, onun səviyyəsi bundan sonra da azalmağa doğru gedəcək. Proqnozlara əsasən, bu il ölkədə təkrəqəmli inflyasiya gözlənilir. Mənim fikrimcə, Azərbaycan üçün optimal inflyasiya səviyyəsi 5-6 faizdir", - Rüstəmoм bildirib.
AMB idarə heyətinin sədrinin sözlərinə görə, hazırkı iqtisadi şərtlərdə istehlak qiymətlərinin bu səviyyədə artımı həm əhali, həm də biznes və iqtisadi fəallıq üçün yaxşı olardı.
"İnflyasiyanın səviyyəsinə bir çox faktor təsir edir, amma ilk öncə o iqtisadi fəallıqdan asılı olacaq", - Rüstəmov bildirib.
Məqalə müəllifi ilə əlaqə ünvanı: [email protected]
