Türkmənistan, Aşqabad, 03 mart / Trend , müxbiri H.Həsənov /
Türkiyənin "Kotam Enterprayzes" şirkəti bir neçə vacib obyekti Türkmənistanda istifadəyə verməyə hazırlaşır. Buraya tibbi və kosmetik pambıq ihstehsal edən fabrik, "Ene mehri" doğuş mərkəzi və Modalr evi daxildir.
6,5 mln. dollar dəyərində olan ilk layihə Türkmənabad şəhərində inşa edilib. Müəssisənin həcmi 4,2 min ton tibbi və 11,5 milyon ton kosmetik pambıq istehsal etmək gücündədir. Hazır məhsulun əksər hissəsi ixrac olunacaq.
Layihə maya dəyərini üç il ərzində çıxarmalıdır. Yeni istehsalat Almaniyadan, İsveçrədən və İtaliyadan müasir avdnlıqlarla təchiz edilib. İstehsal prosesi kompyuter sistemi tərəfindən təmin olunacaq.
Axalsk vilayyətinin Qeok-təpə şəhərində isə türk şirkətinin hesabına inşa olunmuş ana və uşaqların sağlamlığını təmin etmək məqsədi ilə "Ene mehri" tibb mərkəzi istifadəyə veriləcək.
"Bu obyekt qardaş türk-türkmən əlaqələrinin inkişafı naminə təmənnasız olaraq tikilib", - Səhiyyə Nazirliyində bildiriblər. Tibb mərkəzi 30 nəfərə nəzərdə tutulub və müasir avadanlıqlarla təchiz edilib. Müqavilənin ümumi dəyəri 5,7 milyon dollar təşkil edir. Analoji mərkəzlər 2005-ci ildə Türkmənistanın paytaxtında və bütün vilayət mərkəzlərində inşa edilib.
Modalar evi isə Aşqabadda istifadəyə veriləcək. Layihədə ümumi dəyəri 6 milyon dollar olan korpus və iki ticarət mərkəzi nəzərdə tutulub.
Məqalə müəllifi ilə əlaqə ünvanı: [email protected]
