Azərbaycan, Bakı, 11 mart / Trend , müxbir Ü.İsmaylova /
Hökumətin parlamentə təqdim olunacaq 2008-ci ilin yekunlarına dair hesabatında deyilir ki, 2008-ci ildə Azərbaycanın qiymətli kağızlar bazarı 1,7 milyard manat təşkil edib və bunun 88 faizi ilkin, 12 faizi isə təkrar bazarın payına düşüb.
Qiymətli kağızların buraxılmasında dövlət müəssisələrinin payı 61% təşkil edib. Onun strukturunda böyük hissəni maliyyə sferası tutur. Ümumilikdə isə qiymətli kağız istehsalının üçdə bir hissəsi bankların üzərinə düşür.
Borc istiqraz vərəqələri bazarının həcmi 2007-ci ilin göstəricisindən 81% çox olmaqla 2008-ci ildə 9,4 milyard təşkil edib. Nəticədə borc istiqraz vərəqələri bazarının payı ÜDM-yə nisbətdə 2007-ci ilin 19% artımı ilə müqayisədə 27% yüksəlib.
2008-ci ildə borc istiqraz vərəqələri bazarının 94%-ni Milli Bankın qısamüddətli banknotları təşkil edib (il ərzində 85% artım qeydə alınıb): 4,8% - dövlət qısamüddətli istiqraz vərəqələri (51%); 0,5% - korporativ istiqraz vərəqələri ilə keçirilən əməliyyatlar (7%); 0,7% - veksellər. Bu müddət ərzində banknotlardan əldə olunan orta gəlir 9,3% təşkil edib. Dövlət istiqraz vərəqələrinin gəliri 10,9%, korporativ istiqraz vərəqələrinin gəliri isə 12,7% təşkil edib.
Məqalə müəllifi ilə əlaqə ünvanı: [email protected]
