Azərbaycan, Bakı, 16 mart / Trend , müxbir Ü.İsmaylova /
"Qarant Sığorta" şirkətinin idarə heyətinin rəhbəri Vaqif Həsənov bazar ertəsi bildirib ki, Azərbaycan sığorta bazarının inkişafı bu sektorda həyat sığortasına tələbat olduğunu göstərdi.
"Azərbaycan sığortaçıları sığorta olunanların etibarını qazanmağa müvəffəq olublar", - Həsənov deyib.
Onun sözlərinə əsasən, sığorta bazarında hazırda mülkiyyət və avtomobil sığortası oturuşub və həyat sığortası da tez bir zamanda inkişafını tapacaq.
"Bu növ sığortanın bazara aktiv yeridilməsi sığortaçıların onu necə təqdim edəcəklərindən asılıdır", - Həsənov qeyd edib.
Onun sözlərinə görə, sığorta bazarının monitorinqi həyat sığortasına tələbatın olduğunu üzə çıxartdı.
"İnsanlar pul qazana bilirlər və qazanclarını özləri və yaxınlarının gələcəyinə yatırmaq istəyirlər", - Həsənov vurğulayıb.
Bu günə kimi Azərbaycanın sığorta bazarında bir şirkət - "Atesgah Heyat" yalnız həyat sığortası ilə məşğul olur. O da hazırda fəaliyyət göstərmir.
Məqalə müəllifi ilə əlaqə ünvanı: [email protected]
