Azərbaycan, Bakı, 03 aprel / Trend , müxbir S.Babayeva /
"Azərbaycanın Standartlaşdırma, Metrologiya və Patent üzrə Dövlət Komitəsi istehsal qaydalarının pozulması səbəbi ilə iki qənnadı zavodunu bağlayıb", - deyə komitədən bildirilib.
"Müəssisənin istehsal prosesi fiziki-kimyəvi, markalama göstəriciləri üzrə normativ sənədlərin tələblərinə cavab vermir, laboratoriya sənədləri, uyğunluq və gigiyena sertifikatları mövcud deyil. Müəssisədə antisanitariya faktları da aşkar edilib", - deyə Dövlət Komitəsindən bildirilib.
Bunun nəticəsində Dövlət Komitəsi müəssisə sahiblərinə məhsulun istehsalının və satışının dayandırılması tələbi ilə məktub göndərib.
Müəssisə sahibləri Oruc Hümbətov və Akif Vəliyevdir.
Azərbaycanın Standartlaşdırma, Metrologiya və Patent üzrə Dövlət Komitəsi İcra Hakimiyyətinin standartlaşdırma, metrologiya, sertifikatlaşdırma və sənaye mülkiyyəti üzrə obyektlərinin mühafizəsi sahələrində dövlət siyasətinin formalaşdırılması və aparılması üzrə mərkəzi orqanıdır.
Məqalə müəllifi ilə əlaqə ünvan: [email protected]
