Gürcüstan, Tbilisi, 07 aprel / Trend , müxbir N.Kirtsxaliya /
"Estoniyanın sabiq prezidenti Arnold Rüytel ilə "Aquna" ASC - Gürcaani şərab zavodu arasında müqavilə bağlanıb", - Kaxetiyanın informasiya mərkəzindən deyilib.
Müqaviləyə əsasən, müəssisənin istehsal etdiyi şərab Estoniyaya ixrac olunacaq. Bundan başqa, eston iş adamları şərab zavodunun inkişafı məqsədilə sərmayələr həyata keçirəcək.
"Aquna" ASC gürcü-eston müəssisəsidir və ən yeni texnologiya ilə təchiz olunub. Estoniyanın sabiq prezidenti iki gün əvvəl eston iş adamları ilə birlikdə Gürcaanidə olub.
"Gürcü və eston biznesmenlər birlikdə böhrandan çıxış yolu axtarırlar", - Rüytel deyib.
Məqalə müəllifi ilə əlaqə ünvanı: [email protected]