Azərbaycan, Bakı, 16 aprel / Trend , müxbir S.Babayeva /
Azərbaycanın aqrar sferasının 2013-cü ilə kimi inkişaf prioritetləri təyin edilib. Prezident İlham Əliyev tərəfindən aprelin 14-də təsdiq edilmiş 2009-2013-cü illərdə Azərbaycan bölgələrinin sosial-iqtisadi inkişafı dövlət proqramında nəzərdə tutulmuş respublika əhəmiyyətli tədbirlərə təbii fəlakətlər nəticəsində kənd təsərrüfatı istehsalçılarına dəymiş zərərin ödənilməsi üçün aqrar sferada sığorta mexanizminin təkmilləşdirilməsi, istehsalat sahəsində sahibkarlığa dəstək, kənd təsərrüfatı məhsullarının alqısı və emalı, mineral gübrələrə, pestisidlərə və kənd təsərrüfatı texikalarına olan tələbatın ödənilməsinin yaxşılaşdırılması, kənd təsərrüfatı məhsullarının daxili və xarici bazarda satışına dəstək, buğda istehsalı, üzümçülük və meyvəçilik sahəsinə dəstək daxildir.
Nəzərdə tutulan tədbirlərin həyata keçirilməsi dövlət büdcəsi, qeyri-büdcə dövlət fondları, Azərbaycan Sərmayə Şirkəti, Sahibkarlığa Milli Dəstək Fondunun idarə, müəssisə və təşkilatları, yerli və xarici sahibkarlar, eləcə də xarici təşkilatlar tərəfindən maliyyələşəcək.
Məqalə müəllifi ilə əlaqə ünvanı: [email protected]
