Azərbaycan, Bakı, 22 aprel / Trend , mixbir S.Babayeva /
Azərbaycan kənd təsərrüfatı, baytarlıq, bitkilərin karantini və mühafizəsi sahəsində 17 ölkə ilə əməkdaşlıq üzrə 30-dan çox saziş hazırlayıb. Bu barədə çərşənbə günü ölkənin Kənd Təsərrüfatı Nazirliyindən bildiriblər.
"Sazişlər razılaşdırılması üçün bu ölkələrə təqdim edilib və yüksək vəzifəli şəxslərin rəsmi səfərləri zamanı imzalana bilər", - deyə nazirlikdən vurğulayıblar.
Sazişlərin imzalanması planlaşdırılan ölkələr arasında İtaliya, Polşa, Bolqarıstan, İsveçrə, Koreya, Tunis, Seneqal, Mali, Suriya, İordaniya, Livan və Misir var.
Dövlət İdarəsindən bildiriblər ki, 2009-cu ildə kənd təsərrüfatı naziri İsmət Abbasovun İsrail və Avstriyaya səfər edəcəyi ehtimal olunur.
Məqalə müəllifi ilə əlaqə ünvanı - [email protected]