...

Azərbaycanın neft gəlirləri hesabına 191 tələbə xaricdə təhsil alacaq

Biznes və iqtisadiyyat xəbərləri Materials 27 Aprel 2009 18:16 (UTC +04:00)

Azərbaycan, Bakı, 27 aprel / Trend , müxbir İ.Xəlilova /

Azərbaycan Dövlət Neft Fondu (ADNF) 2007-2015-ci illər üçün nəzərdə tutulmuş Azərbaycan gənclərinin xaricdə təhsil alması ilə bağlı dövlət proqramının maliyyələşdirilməsini davam etdirmək niyyətindədir. Bu barədə fondun icraçı direktoru Şahmar Mövsümov deyib.

"Proqramın reallaşdığı müddət ərzində qısa zaman kəsiyində 191 tələbə təhsil almaq üçün xarici ölkələrə göndərilib", - fond rəhbəri qeyd edib.

Tələbələrdən 27-si Almaniyada, 40-ı Fransada, 28-i İngiltərədə, 28-i Rusiyada, 24-ü Türkiyədə, 10-u isə ABŞ-da təhsil alır.

Onlar İKT, iqtisadiyyat və hüquq sahəsində müxtəlif ixtisaslar üzrə təhsil alırlar. Tələbələrin təqribən 20 faizi tibb, 33 faizi beynəlxalq əlaqələr və dövlət idarəçiliyi ixtisası üzrə təhsil alır.

2009-cu ilin birinci rübündə bu məqsədlər üçün neft fondundan 1,1 milyon manat vəsait ayrılıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti