...

Azərbaycan, Türkiyə və Gürcüstanın nəqliyyat nazirləri İstanbulda görüşəcəklər

Biznes və iqtisadiyyat xəbərləri Materials 4 May 2009 12:22 (UTC +04:00)

Trend-i buradan izləyin

Azərbaycan, Bakı, 04 may / Trend /

"Mayın 9-da İstanbulda Azərbaycan, Türkiyə və Gürcüstan nəqliyyat nazirlərinin Bakı-Tbilisi-Qars (BTQ) dəmir yolu tikintisi layihəsi çərçivəsində görüşü gözlənilir", - bazar ertəsi Azərbaycan Nəqliyyat Nazirliyinin yaydığı məlumatda deyilir.

Görüşün nəticələrinə əsasən müvafiq sənədin imzalanması gözlənilir.

Bakı-Tbilisi-Qars (BTQ) dəmir yolu tikintisi layihəsi üzrə yekun sənədi ötən ilin fevralında Azərbaycan, Gürcüstan və Türkiyə imzalayıb.

Yolun Gürcüstan hissəsinin tikintisi üzrə işlərin aparılması üçün Azərbaycan bu ölkənin "Marabda-Karsaxi dəmir yolu"" MMC-yə 25 il müddətinə, illik bir faiz olmaqla, 200 mln. dollar kredit ayırıb.

Bu vəsaitlə Gürcüstan ərazisində 29 km uzunluğunda yeni dəmir yolu xətti çəkilib, Türkiyə ilə sərhəddə isə, qoşa təkərin dəyişdirilməsi üzrə məntəqə tikilib, həmçinin köhnə yol yenidən qurulub. BTQ-nin tikinti layihəsinin dəyəri 600 milyon dollardır.

Bakı-Tbilisi-Qars layihəsi çərçivəsində dəmir yolu magistralının yeni 105 km-lik qolunun tikintisi planlaşdırılır. Bunun 76 km-i Turkiyə, 29 km-i isə Gürcüstan ərazisindən keçəcək. Bundan əlavə, nəql gücünü ildə 15 mln. ton yükə çatdırmaq üçün Gürcüstanda 183 km-lik Axalkalaki - Marabda - Tbilisi dəmir yolunun 183 km-lik hissəsi yenidən qurulacaq. Axalkalakidə Gürcüstanda mövcud olan dəmir yolu xətlərinin Avropa standartlarına uyğunlaşdırılması üzrə məntəqələrin tikilməsi də planlaşdırılır.

Xəbər lenti

Xəbər lenti