Azərbaycan, Bakı, 15 may / Trend , müxbir Ü.İsmayılova /
"İqtisadi əməkdaşlıq üzrə Azərbaycan-Kuba hökumətlərarası komissiyanın ikinci iclası 18-19 may tarixlərində Bakıda keçiriləcək", - Azərbaycanın Mədəniyyət və Turizm Nazirliyinin məlumatında deyilir.
"İclasın gedişində toplantının yekunlarına əsasən ikitərəfli protokolun, Azərbaycan və Kubanın Mədəniyyət və Turizm nazirlikləri arasında mədəniyyət sahəsində əməkdaşlıq üzrə müqavilə imzalanması gözlənilir", - məlumatda deyilir.
Azərbaycanın mədəniyyət və turizm naziri Əbülfəz Qarayev komissiyanın Azərbaycan tərəfdən sədridir.
İlk iclas 2007-ci ilin 30 noyabrında Havanada keçirilib.
Bu ilin ilk rübündə Azərbaycan və Kuba arasında ticarət dövriyyəsi 34 min dollar olub ki, bu rəqəm tamamilə ixrac əməliyyatları hesabına formalaşıb.
Məqalə müəllifi ilə əlaqə ünvanı: [email protected]
