Azərbaycan, Bakı, 16 may / Trend , müxbir N.İsmayılova/
"ISR Holding"in rəhbəri İskəndər Xəlilov Azərbaycan-Rusiya işgüzar əməkdaşlıq palatasının yeni sədri təyin edilib. Bu barədə şənbə günü palatanın geniş iclasında Rusiyanın Azərbaycandakı səfiri Vladimir Doroxin deyib.
Əvvəllər bu postu İntiqam Hüseynov tutub.
Bu gün Xəlilov və Rusiyanın Azərbaycanda yeni təyin edilmiş səfiri Doroxinin iştirakı ilə palatanın ilk iclası keçirildi.
İclasda palatanın fəaliyyətinin iqtisadi əməkdaşlıq üzrə Azərbaycan-Rusiya Hökumətlərarası komissiyasının işinə inteqrasiyası istiqamətində aparılması müzakirə edilib. Hökumətlərarası komissiyanın iclası mayın 29-da Bakıda keçiriləcək.
Məqalə müəllifi ilə əlaqə ünvanı: [email protected]