Azərbaycan, Bakı, 19 may / Trend , müx. Ü.İsmayılova /
Kubanın xarici ticarət və investisiyalar nazirinin müavini Rikardo Gerrero çərşənbə axşamı iqtisadi əməkdaşlıq üzrə Bakıda keçirilən hökumətlərarası komissiyanın ikinci iclasında bildirib ki, Kuba Azərbaycanla turizm, energetika, ticarət, mədəniyyət və digər sahələrdə əməkdaşıq etməkdə maraqlıdır.
O, səfəri çərçivəsində iqtisadiyyatın digər sahələri ilə tanış olaraq bildirib ki, Kuba gələcəkdə Azərbaycanla əməkdaşlıq sferasını genişləndirmək niyyətindədir. O cümlədən, idman sahəsində və hətta hər iki ölkənin gəncləri arasında olan münasibətləri inkişaf etdirmək məqsədilə ikitərəfli müqavilənin imzalanması gözlənilir. Dünən, Bakıda Azərbaycan Mədəniyyət və Turizm Nazirliyi və Kubanın Mədəniyyət Nazirliyi arasında mədəniyyət sahəsində əməkdaşlıq haqqında müqavilə imzalanıb.
Komissiyada Azərbaycan tərəfinin həmsədri, turizm naziri Əbülfəz Qaraev bildirib ki, bu iclasda il yarım öncə Kubada keçirilmiş iclasdan fərqli olaraq, Kuba nümayəndə heyəti Azərbaycanın regionlarına marağını ifadə edib. Qonaqlar Lənkəranda yerli istehsal və tibb müəssisələrinin işi ilə tanış olublar.
В ходе визита кубинская делегация уже провела встречи в министерствах и госведомствах, а сегодня ожидается встреча с первым вице-премьером Эюбом Ягубовым.
Səfər çərçivəsində Kuba nümayəndə heyəti bir sıra nazirlik və dövlət qurumlarında da görüşlər keçirib. Bu gün isə nümayəndə heyətinin Baş nazirin birinci müavini ilə görüşü gözlənilir.
Məqalə müəlliflə əlaqə ünvanı: [email protected]