Azərbaycan, Bakı, 22 may / Trend , müx C.Babayev /
BMT-nin agentlikləri, Azərbaycan hökuməti, özəl sektor, donor və vətəndaş cəmiyyəti inkişafa dəstək məqsədilə BMT-nin (UNDAF) beş illik çərçivə sənədinin hazırlanmasına başlayıblar, BMT-nin məlumatında bildirilib.
"Yeni çərçivə sənədi yoxsulluğun azaldılması və sabit inkişafın təmin edilməsi proqramı ilə uyğunlaşdırılacaq",- BMT-nin məlumatında bildirilib.
Azərbaycan hökuməti adından sənədin hazırlanması üzrə koordinator İqtisadi İnkişaf Nazirliyidir.
BMT-dən bildiriblər ki, 22 may tarixində çərçivə sənədinin hazırlığına başlamaq məqsədi ilə BMT-nin nümayəndələri və onların hökumət tərəfdaşlarının iştirakı ilə nazirlikdə xüsusi toplantı keçiriləcək. Toplantı BMT-nin Azərbaycanda 2011-2015-ci illər ərzində fəaliyyət prioritetlərinin müəyyən edilməsini əhatə edir.
Sənəd təsdiq olunandan sonra, Azərbaycan hökuməti onu 2010-cu ilin mart ayında BMT-nin Agentliklər İdarəsi Şurasına təqdim edəcək.
Hazırda 2005-ci ildən qüvvədə olan çərçivə sənədinin müddəti Azərbaycanda 2010-cu ildə bitir.
Məqalə müəllifi ilə əlaqə: [email protected]
