Azərbaycan, Bakı, 23 may / Trend , müxbir N.İsmayılova /
Azərbaycan bankı Kapital Bank-ın aktivləri apreldə 7,6 faiz artaraq mayın 1-i üçün 367,45 milyon manat təşkil edib. Bu barədə bankın məlumatında bildirilir.
Hesabat dövründə bankın depozit portfeli 15,2 faiz artaraq 201,49 milyon manat təşkil edib ki, onun da 154,96 milyon manatı fiziki şəxslərin əmanətləri, 46,54 milyon manatı isə hüquqi şəxslərin depozitləridir.
Apreldə bankın kredit portfeli 2,2 faiz artaraq 171,8 milyon manat təşkil edib. Birinci rübün yekunları üzrə bu göstərici 168,06 milyon manat təşkil edib.
Vergilərin ödənməsinədək bankın mənfəəti 7,4 milyon manat təşkil edib. Bu göstərici aprelin biri üçün 6,83 milyon manata bərabər olub.
Mayın 1-nə olan məlumata görə, bankın məcmu kapitalı aprelin 1-i üçün qeydə alınan 76,76 milyon manata nisbətdə 77,65 milyon manat təşkil edib. Bankın nizamnamə kapitalı 24 milyon manatdır.
Mayın əvvəlinə bankın likvidlik göstəricisi 65 faiz təşkil edib.
Mayın 23-nə olan rəsmi məəzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]
