Azərbaycan, Bakı, 25 may / Trend , müxbir S.Babayeva /
Azərbaycanın Kənd Təsərrüfatı Nazirliyi yanında Dövlət Baytarlıq Xidməti ölkədə "donuz qripi"nin qarşısının alınması ilə bağlı ikinci monitorinq keçirir. Bu barədə bazar ertəsi Dövlət Baytarlıq Xidmətinin mətbuat xidmətinin katibi Yolçu Xanvəli bildirib.
"Monitorinqlər iyunun 1-də başlayacaq və iki həftə davam edəcək", - Xanvəli deyib.
Monitorinqlər artıq donuzçuluq təsərrüfatlarında keçirilib.
Ötən monitorinq mayın əvvəlində keçirilib və Laborator tədqiqatlar üçün 388 qan nümunəsi götürülmüşdü. Nümunələrin heç birində A/H1N1 virusu aşkar edilməyib.
Ölkə ərazisində donuzçuluq təsərrüfatları Qəbələ, Zaqatala, Şəki, Balakən, Gəncə və Bakının bəzi bölgələrində mövcuddur.
Hazırda Azərbaycana Amerika və Avropadan heyvandarlıq məhsullarının gətirilməsinə muvəqqəti qadağa qoyulub.
Profilaktik tədbirlər məqsədi ilə ölkədə olan bütün donuzçuluq təsərüffatları qapalı iş rejiminə keçib, regionlarda baytarlıq idarələrinin fəaliyyəti gücləndirilib.
Məqalə müəllifi ilə əlaqə ünvanı: [email protected]
