Azərbaycan, Bakı, 02 iyun / Trend , müxbir Ü.İsmayılova /
"Bu günlərdə Joint Leasing Company QSC səhmdarlarının növbəti yığıncağı keçirilib. Şirkətin gələcəkdə də liderlik mövqelərini qoruyub saxlaması üçün lazımi dəstəyin göstəriləcəyi qeyd olunub", - şirkətin çərşənbə axşamı yayılan məlumatında deyilir.
Daha sonra yığıncaqda yaxın perspektivin əsas istiqamətləri müəyyən edilib, növbəti ildə də sabit inkişafı təmin etmək məqsədi ilə görüləcək tədbirlər planı müzakirə edilib. Tədbir iştirakçıları tərəfindən 2009-cu il üzrə maliyyə proqnozları müzakirəyə çıxarılıb.
İclasda 2008-ci il ərzində şirkətin fəaliyyəti və maliyyə göstəriciləri müzakirə edilib, növbəti il üzrə inkişaf strategiyası müəyyənləşdirilib. Toplantıda QSC-nin təsisçiləri - Britaniya "DH Leasing LTD" şirkətinin və Azərbaycan Beynəlxalq Bankının nümayəndələri iştirak edib.
Joint Leasing şirkətinin ötən il ərzində uğurlu fəaliyyəti və inkişaf tempi səhmdarlar tərəfindən yüksək dəyərləndirilib. Qeyd olunub ki, şirkət bütün maliyyə göstəriciləri üzrə əvvəlki ilə nisbətən artım dinamikası nümayiş etdirib və bütün parametrlər üzrə lizinq bazarının ən böyük şirkəti kimi ili başa vurub.
Hazırda Joint Leasing QSC-nin nizamnamə kapitalı 700 min manat təşkil edir. Şirkətin səhmdarları Böyük Britaniya və Şimali İrlandiya Birləşmiş Krallığının "DH Leasing LTD" şirkəti (səhmlərin 52,4%-i) və Azərbaycan Beynəlxalq Bankıdır (səhmlərin 47,6%-i).
İyunun 02-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]