Azərbaycan, Bakı, 04 iyun / Trend , müxbir N.İsmayılova /
"Azərbaycan və Belarus Bakı-Minsk-Bakı aviareysinin qrafikinin dəyişdirilməsi üzrə danışıqlara başlayıb", - cümə axşamı Belarusun Azərbaycandakı səfiri Nikolay Paskeviç deyib.
"Azərbaycan hava limanının günorta iş rejiminə keçidi ilə bağlı olaraq, uçuşların yeni qrafikinin razılaşdırılması üzrə danışıqlar başlayıb. Bunun nəticəsində iyulun 1-dən etibarən Bakı-Minsk-Bakı reysinin həftədə iki dəfə həyata keçirilməsi barədə qərar qəbul edilib", - Paskeviç bildirib.
Hazırda Bakı-Minsk-Bakı aviareysləri həftədə bir dəfə - cümə axşamları həyata keçirilir.
"İlkin məlumatlara görə, reyslər çərşənbə və şənbə günlərinə təyin ediləcək, ancaq bu məsələ hələ müzakirə olunur", - səfir qeyd edib.
Məqalə müəllifi ilə əlaqə ünvanı: [email protected]