Azərbaycan, Bakı, 18 iyun / Trend , müxbir N.İsmayılova /
Azərbaycan bankı Azerdemiryolbank Azərbaycan Mərkəzi Bankı yanında İpoteka Fondunun vəsaiti hesabına ipoteka kreditlərinin verilməsi üzrə baxılmaq üçün 50 ərizəni qəbul edib. Bu barədə cümə axşamı bankdan bildirilib.
"Bu sayda ərizənin qəbul olunmasına baxmayaraq, ərizə qəbulu hələ də davam etdirilir, bu da əhalinin ipoteka kreditinə böyük marağının olmasını sübut edir. Kreditlərin verilməsinə isə hələ ki, başlanılmayıb", - bankdan bildirilib.
Bankın AİF xətti üzrə ipoteka portfeli iki milyon manatı ötüb və daha bir milyon manatın yerləşdirilməsi də planlaşdırılır. Özünün ipoteka proqramı çərçivəsində bank Beynəlxalq Maliyyə Korporasiyasından mənzil alınmasının maliyyələşdirilməsi üzrə beş milyon dollar məbləğində kredit alıb.
2009-cu ildə dövlət büdcəsinə sosial ipotekanın maliyələşdirilməsi üçün 14,5 milyon manat vəsait qoyulub, kommersiya ipotekası çərçivəsində isə 55 milyon manat məbləğində istiqraz buraxılmışdır ki, onun da 15 milyon manatı artıq yerləşdirilib.
Ölkədə ipoteka kreditləşməsi 25 mart 2006-cı ildə, AİF standartlarına əsasən başlanılıb. 7 fevral 2007-ci ildən isə sosial ipotekanın verilməsinə başlanılıb. İpoteka kreditinə tələbat dövlət tərəfindən ayrılmaları arxada qoydu və 2007-ci ilin iyunundan etibarən AİF öz standartları ilə maliyyələşməni dayandırdı. Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 68 mln. manatı banklar vasitəsilə artıq verilib. 2009-cu ildə isə dövlət büdcəsinə 14 milyon manat yatırılcaq. AİF standartları ilə kredit portfeli 75 milyon manat, bankların ümumi ipoteka krediti portfeli isə 250-300 milyon manat təşkil edir.
Kreditlər üzrə faizlər kommersiya banklarında 8-20 faiz arasında dəyişir. Kredit müddəti 10-30 ildir. Fondun 17 agent-bankı var.
İyunun 18-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]