Azərbaycan, Bakı, 19 iyun / Trend , müxbir Ü.İsmayılova /
"Azərbaycan Sığortaçılar Assosiasiyasının anderraytinq komitəsi dünya maliyyə böhranının ölkənin sığorta bazarına təsirinin minimallaşdırılması məqsədi ilə tövsiyələrin hazırlanması işini davam etdirir", - cümə günü assosiasiya sədri, MBASK sığorta şirkətinin idarə heyətinin sədri Cəmil Məlikov bildirib.
"Hazırlanmış tövsiyələr bütün sığortaçılara böhran durumunda portfelin və xərclərin formalaşdırılması üçün təqdim olunacaq", - Məlikov bildirib.
Onun sözlərinə görə, bütün bu tədbirlər sığortaçılara mövcud durumdan minimal itkilərlə çıxmağa kömək edəcək.
"Komitənin işi, əsasən sığorta xidmətlərinin adekvatlılıq analizindən ibarətdir", - bir müddət əvvəl Məlikov deyib.
Hazırda bazarda bir şirkət müəyyən xidməti 100, digəri 50, bir başqası 20 manata təklif edə bilər.
"Assosiasiya sığortaçılara xidmətə görə 100 manat qiymətin bu gün üçün çox baha olduğunu sübut etməyə çalışır və tövsiyə edir ki, bu qiymətlər azaldılsın və müştərilər sığortalamanı "sonraya saxlamaq" qərarına gəlməsinlər", - Məlikov bildirib.
Assosiasiya, həmçinin hesab edir ki, 20 manatlıq səviyyəyə də düşmək olmaz. "Düzdür, şirkətlərə diktə etmək mümkün deyil, çünki hər bir sığortaçının özünün qiymətyaradan alətləri və tariflərin hesablanması metodikası vardır", - Məlikov deyib.
"Bunu sığortaçıların özü anlamalıdır. Burada əsas olan şey məhsullarımızın qiymətyaranma metodikasını hazırlamaq və bununla da bəzi sığorta şirkətlərini böyük dempinqlərdən qorumaqdır. Çünki son nəticədə bu, böyük problemlərə gətirib çıxara bilər", - Məlikov qeyd edib.
Onun fikrincə, onlar bu gün nağd pul çatışmazlığı ilə bağlı bəzi problemləri həll edə bilərlər. Ancaq bununla onlar gələcəkdə - böyük ödəmələr etmək lazım gələndə ortaya çıxacaq daha böyük problemlərə rəvac verə bilərlər. Ona görə də ciddi maliyyə ehtiyatları olmadan belə durumlarda "ayaq üstə" dayanmaq mümkün deyil.
Müşahidə Şurasına beş (MBASK, Standard Insurance, Beynəlxalq Sığorta Şirkəti, Azersigorta və Ateshgah) şirkətin daxil olduğu Azərbaycan Sığortaçılar Assosiasiyası 2006-cı ilin dekabrında təsis edilib.
İyunun 19-na olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
