...

AGBank İpoteka Fondu xətti üzrə ipoteka kreditlərinin verilməsi üzrə ərizələrin nəzərdən keçirilməsinə başlayıb

Biznes və iqtisadiyyat xəbərləri Materials 23 İyun 2009 13:17 (UTC +04:00)

Azərbaycan, Bakı, 23 iyun / Trend , N.İsmayılova /

AGBank Azərbaycanın Mərkəzi Bankı nəzdində fəaliyyət göstərən İpoteka Fondunun vəsaiti hesabına ipoteka kreditlərinin verilməsi üzrə 100-dən çox ərizə qəbul edib və tezliklər onların verilməsinə başlayacaq. Bu barədə bankın idarə heyəti sədrinin birinci müavini Tokay Əlizadə bildirib.

"Bu ərizələrə baxılmasına artıq başlanılıb və mən düşünürəm ki, yaxın vaxtda bank ipoteka kreditlərinin verilməsinə başlayacaq", - deyə Əlizadə bildirib.

Bankın AİF üzrə ipoteka portfeli 1 milyon manat təşkil edir. Bank 2008-ci il ərzində 5 milyon manat məbləğində ipoteka krediti verib.

Ölkədə AİF üzrə  ipoteka kreditləşməsi 2006-cı ilin mart ayının 25-dən etibarən başlayıb. 2007-ci ilin fevral ayının 7-dən isə sosial ipotekanın verilməsinə başlanılıb. İpoteka kreditlərinə olan tələbat büdcədən ayrılan vəsaiti ötüb, 2007-ci ilin iyun ayının ortalarından etibarən AİF öz standartları üzrə ipotea kreditlərinin verilməsini dayandırıb. 2005-2008-ci illərdə fonda dövlət büdcəsindən 68 milyon manat ayrılıb, 2009-cu ildə isə dövlət büdcəsinə 14 milyon manat qoyulub. AİF standartları üzrə kredit portfeli 75 milyon manat  təşkil edir. Bankın ümumi ipoteka portfeli 250-300 milyon manat təşkil edir.

2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub. Kommersiya ipotekası çərçivəsində isə 55 milyon manat dəyərində istiqraz buraxılıb, onun isə 15 milyonu artıq yatırılıb.

Kommersiya banklarında kredit dərəcələri 4-8 faiz  18-20 faiz  arasında dəyişir, kreditlərin ödənilməsi müddəti 10 ildən 30 ilədəkdir. 17 bank fondun agenti qismində çıxış edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti