Azərbaycan, Bakı, 24 iyun / Trend , müxbir N.İsmayılova /
Azərbaycanın Kredit İttifaqları Assosiasiyası (AKIA) və Almaniyanın Kooperativlər Konfedersiyası (DGRV) təcrübə mübadiləsi aparmaq niyyətindədirlər, bu barədə çərşənbə günü AKİA-nın prezidenti Elçin Bağırov bildirib.
"Növbəti həftə AKİA-nın nümayəndə heyəti Alamniyanın DGRV ofisinə təcrübə mübadiləsi məqsədilə baş çəkib. Səfər çərçivəsində depozitlərin sığortası və kooperiv banklar strukturunu əhatə edən seminarın keçirilməsi də planlaşdırılır", - deyə Bağırov bildirib.
Onun sözlərinə əsasən, seminarda Rusiyanın və Qırğızıstanın assosiasiyaları da iştirak edəcək.
AKİA-nın müştərək kredit portfeli hazırda 19 milyon manat təşkil edir. Azərbaycandakı 80 kredit ittifaqlarından 50-si assosiasiyanın üzvüdür.
"Hazırda assosiasiya dövlət orqanlarında qeydiyyatdan keçən yeni üzvlərin qəbul edilməsinə hazırlaşır", - deyə Bağırov bildirib.
Onun sözlərinə əsasən, qlobal maliyyə böhranı Azərbaycanın kredit İttifqaqlarının fəaliyyətinə təsir göstərməyib.
İyunun 24-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
