Azərbaycan, Bakı, 24 iyun / Trend , Ü.İsmayılova /
2009-cu ilin 5 ayı ərzində Azərbaycanda 5,97 min hüquqi və fiziki şəxs xarici ticarətə cəlb edilib. Bu gün Dövlət Gömrük Komitəsindən bildirilib. Onlardan 2,959 mini hüquqi. 3,012 mini fiziki şəxsdir. İxrac əməliyyatlarında dövlət sektorunun payı 4,35 milyard dollar (94,76 faiz), özəl sektor 214,08 milyon dollar (4,66 faiz), fiziki şəxslər 26,39 milyon dollar (0,57 faiz) təşkil edib.
İdxal əməlliyatlarında dövlət sektorunun payı 602,39 milyon dollar (26,63 faiz), özəl sektor (26,63 faiz), özəl sektor 1,55 milyard dollar (68,71 faiz) təşkil edib. Bu əməliyyatlarda fiziki şəxslərin payı 104,81 milyon dollar (4,63 faiz) təşkil edib.
Yanvar-mayda ticarət əməliyyatları dünyanın 120 ölkəsi ilə aparılıb. Bu dövrdə ölkənin ixrac əməliyyatları 4,59 milyard dollar təşkil edib. Qeyd edək ki, bu göstərici ötən ilin anoloji dövründə 69,12 faiz və ya 10,27 milyard dollar artıb.
İdxal 8,16 faiz və ya 201 milyon dollar artaraq 2,26 milyard dollara çatıb. Bununla bərabər, ticarət dövriyyəsinin ümumi həcmi 6,85 milyard dollar təşkil edib.
Yanvar-mayda Azərbaycandan 1,3 min növ məhsul ixrac olunub, 4,79 min min növ məhsul idxal olunub.
Məqalə müəllifi ilə əlaqə ünvanı: [email protected]
