Azərbaycan, Bakı, 25 iyun/ Trend , müxbir İ.Xəlilova /
Beynəlxalq Maliyyə Korporasiyası (BMK) cümə axşamı biznes mühiti üzrə 2008-ci ildə Azərbaycanda kicik və orta sahibkarlığın sorğusu ilə keçirilən monitorinqlərin nəticələrini elan edib.
BMK Azərbaycanda iş mühitinin araşdırılmasına 2007-ci ilin sounuda başlayıb, sorğu 1800 şirkət arasında keçirilib. Sorğunun məqsədi kicik və orta müəssisələrə, həmçinin xüsusi sahibkarlara təsir edən əsas aspektlər, özəl sektorun inkişafına və fəaliyyətinə mane olan hüquqi və inzibati maneələr, investisiya mühitində çatışmamzlıqların aşkar olunması və bunun əsasında qabaqcıl beynəlxalq təcrübəyə əsaslanan tövsiyyələrin verilməsi müəyyən edilib.
İsveçrənin Azərbaycandakı səfiri Alan Qidettinin (Alain Quidetti) sözlərinə əsasən, araşdırmalar nəticəsində lisenziya sisteminin təkmilləşdirilməsi üzrə tədbirlərin keçirilməsi və Azərbaycanda özəl sektorun gələcək inkişafına yardım göstərəcək xarici ticarət sahəsində kapitalın bazara çıxarılması üçün sahibkarlıq fəalliyətinin, vergilərin yoxlanılması istiqamətində həll yolları təklif olunub.
İqtisadi İnkişaf naziri Niyazi Səfərov ölkədə biznes mühitinin daha da təkmilləşdirilməsi, milli sahibkarlıq kateqoriyasının formalaşdırılması üçün həyata keçirilən müntəzəm və sistem siyasəti barədə məlumat verib. O həmçinin bildirib ki, hökümət BMK ilə beynəlxalq təcrübə əsasında işləyən metodologiyaya müvafiq olaraq yerli mütəxəssislərin biznes mühiti montorinqlərinin keçirilməsi üzrə hazırlanması məqsədilə dövlət nəzarəti sisteminin təkmilləşdirilməsi istiqamətində əməkdaşlığı davam etdirməyə hazırdır. Sahibkarlıq fəaliyyəti sistemi, sahibkarlıq fəaliyyətinə müdaxilə edilməsi və sahibkarların hüquqlarının pozulmasının qarşısının alınması sahəsində də əməkdaşlıq aparıla bilər.
"Azərbaycan höküməti ölkədə bines mühitinin təkmilləşdirilməsi istiqamətində vacib işlər həyata keçirib, hazırda prioritet sahələrdə islahatların həyata keçirilməsi davam etdirilir. Onların həyata keçirilməsi nəticəsində ölkə bir çox uğurlar əldə edə bilər", - deyə BMK-nın Azərbaycan üzrə daimi nümayəndəsi Aliyə Əzimova bildirib.
Onun sözlərinə əsasən, qeyri-neft sektoru, KOS və investisiyaların cəlb edilməsi qlobal maliyyə böhranı dövründə ölkənin iqtisadi inkişafının davamının qorunub saxlanılmasına yardım edir və Azərbaycanın beynəlxalq səviyyədə rəqabət gücünü artırır.
Layihə BP və İsveçrənin iqtisadi məsələlər üzrə Dövlət Katibliyi (seco) tərəfindən birgə həyata keçirilir.
Proqram beş il müddətinə nəzərdə tutulub. O, sahibkarların fəaliyyətinə maneələrin azalmasının nizamlanması, biznes mühiti üzrə monitorinqlərin keçirilməsi, maarifləndirmə işlərinin aparılması ilə sahibkarların hüquq biliklərinin artırılmasını nəzərdə tutur.
Seco biznes mühitinin təkmilləşdirilməsi üçün hökümətə 4,3 milyon dollar məbləğində və BP şirkətinə isə 0,456 milyon dollar qrant təqdim edib.
BMK MDB ölkələrində biznes mühitinin təkmilləşdirilməsi layihələri vasitəsilə 11 əsas hüquq qaydalarına dəyişiklər edilməsinə köməklik edib. Bu isə kiçik və orta sahibkarlığa 93 milyon dollar məbləğində qənaət etməyə imkan verib.
Məqalə müəllifi ilə əlaqə ünvanı: [email protected]