Azərbaycan, Bakı, 30 iyun / Trend , müxbir Ü.İsmayılova /
Qlobal maliyyə böhranı Azərbaycanda sosial yardımların verilməsinə təsir etməyib. Böhrandan əvvəl olduğu kimi əhali hər ay yardım alır. Bu barədə çərşənbə axşamı Bakının Nizami rayonunun Əhalinin Sosial Müdafiə Fondunun direktoru Əli Əliyev bildirib.
"Bakının Nizami rayonunda 4,25 min nəfər ünvanlı sosial yardım alır", - deyə Əliyev bildirib.
Onun sözlərinə əsasən, onlardan 3,5 min nəfəri təkrar ÜSY alır. Ölkədə yaşayış minimumuna müvafiq olaraq ÜSY-nin səviyyəsi 60 manat təşkil edir.
Azərbaycanda ÜSY 2006-cı ilin iyul ayının 1-dən tətbiq edilib. Ölkədə ÜSY alan sakinlərin sayı 817,35 min təşkil edir. Ölkədə bir ailə üçün ÜSY-nin orta aylıq məbləği 98,19manat, bir nəfərə isə 21,56 manat təşkil edir.
Məqalə müəllifi ilə əlaqə ünvanı: [email protected]
