Azərbaycan, Bakı, 07 iyul / Trend , müxbir N.İsmayılova /
Moody's Investors Service Beynəlxalq reytinq agentliyi 2009-cu il iyunun 19-da Azərbaycan bankı Kapital Bankın reytinqini təsdiqləyib. Bu barədə çərşənbə axşamı bankdan məlumat verilib.
"B1/NP" reytinqi üzrə xarici valyuta ilə uzunmüddətl və qısamüddətli depozitlər və manatla depozitlər təsdiqlənib. Maliyyə sabitliyi reytinqi "E+"-dir. Bütün reytinqlər üzrə proqnoz "stabil"dir.
Daha əvvəl Fitch Ratings Beynəlxalq reytnq agentliyi Kapital Bankın reytinqini əvvəlki səviyyədə təsdiq etmişdi: "Stabil" proqnozla uzunmüddətli emitet defoltu reytinqi ("EDR") "B+", qısamüddətli EDR "B" və fərdi reytinq "D/E"-dir.
Reytinq dəstəyi 4 səviyyədə təsdiqlənir. Uzunmüddətli EDR "B+" kimi təsdiq olunur.
Fitch hesab edir ki, Kapital Bank sistemyaradan bank olmaqda davam edir. Kapital bank iri ümummilli şəbəkəsi vasitəsilə təqaüdlər və digər sosial ödəmələr edir və bütün ölkə üzrə dövlət müəssisələri və regional müəssisələrə xidmət həyata keçirir. Bu funksiyaların yerinə yetirilməsi indiyə qədər ölkədə analoqu olmayan filial şəbəkəsi hesabına dəstəklənir. Hazırda bankın kapital mövqeyi, gəlirlilik və likvidliyi adekvatdır.
Bankın səhmdarlarının strukturu hazırda belə formalaşdırılıb: Pasha Holding 97,5 faiz səhm, bankın 2400 əməkdaşı isə 2,5 faiz səhm.
Bu gün respublikanın bütün regionlarında bankın 87 filialı, iki müstəqil şöbəsi və filiallarının tərkibində 97 şöbəsi, həmçinin 12 valyutadəyişmə məntəqəsi var. Gələcəkdə bank Azərbaycanda fəaliyyətini genişləndirmək və MDB ölkələrində iki nümayəndəliyini açmağı planlaşdırır.
İyulun 07-nə olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]