Azərbaycan, Bakı, 10 iyul / Trend , müxbir Ü.İsmayılova /
"İyunda Bakının ilkin mənzil bazarında qiymətlər daha 2,4 faiz azalaraq, may ayındakı bir kvadratmetrə 970 dollar qiymətindən 947 dollara enib", - "Əmlak bazarının iştirakçıları" İctimai Təşkilatının cümə günü yayılan məlumatında deyilir.
"İki ay əvvəldən fərqli olaraq, iyunda qiymət azalması əsasən bahalı mənzillərə nisbətdə müşahidə olunub", - məlumatda deyilir.
Təşkilatın ekspertləri hesab edir ki, bu vəziyyət bir sıra tikinti şirkətlərinin, dünya maliyyə böhranına baxmayaraq, yay mövsümündə öz qiymət siyasətlərinə yenidən baxmaları ilə bağlıdır.
Ötən ay qiymət artımı Bakının Nərimanov (0,7 faiz), Binəqədi (0,7 faiz) və Xətai (1,5 faiz) rayonlarında müşahidə olunub. Kəskin qiymət artımı Bakının Səbayıl (4,7 faiz) və Nəsimi (3,9 faiz) rayonlarında qeydə alınıb.
İyunda Bakıdakı yeni tikililərdə mənzillərin ümumi sahəsi 1,1 faiz azalaraq 122,4 kvadratmetrə düşüb. Blokların orta göstəricisi 4,3 faiz azalaraq 2,3-ə, orta mərtəbə göstəricisi 0,6 faiz azalaraq 15-ə düşüb.
Ötən ay 484 tikinti şirkəti tərəfindən 173 binanın tikintisi davam etdirilib. Mayda 168 şirkət 445 bina tikintisi aparıb. Ötən ay ərzində Bakının Yasamal və Binəqədi rayonlarında iki binada tikinti və satış başa çatdırılıb. Üç binada isə tikinti işləri dayandırılıb. İyunda 18 yeni tikilinin bünövrəsi qoyulub.
Məqalə müəllifi ilə əlaqə ünvanı: [email protected]
