...

Azərbaycan auditin beynəlxalq standartlarına keçməyə hazırlaşır

Biznes və iqtisadiyyat xəbərləri Materials 18 İyul 2009 14:05 (UTC +04:00)
Azərbaycanın Auditorlar Palatası auditin beynəlxalq standartlarının ingilis dilindən Azərbaycan dilinə peşəkar tərcüməsi işini başa çatdırıb. Bu barədə şənbə günü palata rəhbəri Vahid Novruzov bildirib.

Azərbaycan, Bakı, 18 iyul, / Trend , müxbir Ü.İsmayılova /

Azərbaycanın Auditorlar Palatası auditin beynəlxalq standartlarının ingilis dilindən Azərbaycan dilinə peşəkar tərcüməsi işini başa çatdırıb. Bu barədə şənbə günü palata rəhbəri Vahid Novruzov bildirib.

"Hazırda palatanın mütəxəssisləri standartların redaktəsi işinə başlayırlar", - Novruzov deyib.

Onun sözlərinə görə, Azərbaycanda beynəlxalq audit standartlarına tam keçid il ərzində baş tutacaq.

"Auditin beynəlxalq standartlarının tətbiqi Dünya Bankının qrant ayırmasından və standartların redaktəsindən sonar həyata keçiriləcək", - Novruzov deyib.

Palata rəhbəri qrantın dəqiq məbləğini deməyib.

Dünya Bankı (DB) Azərbaycanın Auditorlar Palatasına korporativ və dövlət sektorunda (CAP/SAP) mühasibatın təkmilləşdirilməsi layihəsi çərçivəsində əlavə qrant ayıracaq. Bu barədə 24 milyon dollar dəyərində razılaşma 2008-ci ilin sentyabrında imzalanıb.

Layihə DB-nin 11 milyon dollar məbləğində krediti, PHRD Yaponiya Fondunun qrantı (3 milyon dollar), Seco - İqtisadi məsələlər üzrə İsveçrə Dövlət Katibliyi (2 milyon dollar) və Azərbaycan Hökumətinin hissəsi (8 milyon dollar) hesabına maliyyələşdirilir.

Layihə üzrə 6 milyon dolların komersiya sektorunda IFRS-in tətbiqinə, 10 milyon dolların İPSAS (International Public Sector Accounting Standards), Daxili Maliyyə Nəzarəti (Public Internal Finance Control) və dövlət sektorunda xarici auditin gücləndirilməsi üçün, eləcə də 9 milyon dolların mühasibat və audit idarəetmə sisteminin yaxşılaşdırılmasına yönəldilməsi nəzərdə tutulur. Seco-nun vəsaiti dövlət gəlirinin (dövlət büdcəsi və dövlət müəssisələri) idarəedilməsi üzrə daxili maliyyə nəzarətinin təkmilləşdirilməsinə yönəldiləcək. Konsultasiya xidmətləri Hesablama Palatasının müstəqil ali audit institutuna çevrilməsinə dəstək üçün nəzərdə tutulub.

Azərbaycan artıq kommersiya sektoru üçün 28 milli standart hazırlayıb. Dünyada maliyyə hesabatı və auditin 35 standartı mövcuddur. Ölkədə dövlət sektoru üçün IFRS-ə keçid 2008-ci il yanvarın 1-dən başlanıb.

Azərbaycanın Auditorlar Palatası 1995-ci ilin sentyabrında yaradılıb və 1996-cı ilin aprelindən fəaliyyətə başlayıb. "Auditor fəaliyyəti haqqında" Azərbaycan Respublikasının Qanunu 1994-cü ildə qəbul edilib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti