Türkiyə şirkəti Türkmənistanın paytaxtında içməli su zavodunun istismara verilməsinə hazırlaşır
Türkmənistan, Aşqabad, 28 iyul / Trend , H.Həsənov /
Türkiyənin Polimeks Insaat Tahhut ve Sanai Ticaret A.S. şirkəti Aşqabad üçün mühim obyekt olan içməli su zavodunu istismara verməyə hazırlaşır. Onun gücü sutkada 250 min kubmetr su təşkil edir. Bu barədə rəsmi Türkmənistan mənbəsi bildirir.
Bu, paytaxtın su təchizatı sistemində dördüncü zavoddur. Layihənin dəyəri 28 milyon dollar təşkil edir. Tükmənistan Prezidenti Qurbanqulı Berdımuhəmmədovun qərarında deyilirdi ki, onun inşası haqqında qərar "əhaliyə göstərilən kommunal xidmətlərin və paytaxtın təmiz içməli su ilə stabil təchizatının səviyyəsinin artırılması məqsədilə" qəbul edilib.
Podratçı qismində Aşqabad administrasiyası çxış edir. Türkmənistanın paytaxtında "inşaat canlanması" müşahidə edilir, burada Aşqabad-siti biznes mərkəzi, olimpiya şəhərciyi, prezident kompleksi, yeni yaşayış massivləri inşa edilir, şəhərin köhnə hissəsi yenidən qurulur, yeni nəqliyyat infrastrukturu yaradılır.
