Azərbaycan, Bakı, 28 iyul / Trend , müxbir Ü.İsmayılova /
Azərbaycanda qiymətləndirmə fəaliyyətinin üçüncü mərhələsi sentyabrın sonu, oktyabrın əvvəlində keçiriləcək. Bu barədə çərşənbə axşamı "MBA Group" konsaltinq şirkətinin baş direktoru Nüsrət İbrahimov deyib.
"Üçüncü mərhələdə yenilik onun Azərbaycan dilində keçirilməsi olacaq", - İbrahimov deyib. Birinci və ikinci mərhələ rus dilində keçirilib.
Onun sözlərinə görə, imtahan sualları və həftəlik kurs hazırlanacaq və keçirilən ilk iki mərhələdəki kimi yeddi qiymətləndirici tərəfindən keçiriləcək. İlk iki imtahanda imtahan götürənlər müşahidəçi kimi iştirak edəcəklər.
Martda qiymətləndiricilərin sertifikasiyasının birinci mərhələsindən 3 qiymətləndirici keçib. Keyfiyyətli qiymətləndirmə xidmətinin göstərilməsi barədə sertifikatı Elçin Səmədli ("Biləndər" qiymətləndirmə şirkəti), Ənvər Samiqulin ("Azintelektservis") və Nüsrət İbrahimov ("MBA Group") alıb. İkinci imtahanda imtahan komissiyasına birinci komissiyanın üzvləri daxil olublar. Birinci mərhələni keçən üç qiymətləndirici isə müşahidəçi kimi iştirak edib.
Azərbaycanda qiymətləndirmə fəaliyyətinin sertifikasiyası prosesi Azərbaycanda ipotekanın inkişafı üzrə Beynəlxalq Maliyyə Korporasiyası (BMK), Beynəlxalq Qiymətləndirmə Mərkəzi və Azərbaycan Qiymətləndiricilər Cəmiyyəti ilə birgə Mərkəzi Asiya proqramları çərçivəsində keçirilir.
Sertifikasiyasının ilk iki mərhələsində imtahan götürənlər layihə üzrə BMK-nın məsləhətçisi İqor Artyomenkov, eləcə də Rusiya Qiymətləndiricilər Cəmiyyətinin Kvalifikasiya komissiyasının sədr müavini Həmid Məmmədcanov olub.
Azərbaycanda qiymətləndirmə fəaliyyəti 1995-ci ildə qəbul olunan "Qiymətləndirmə fəaliyyəti haqqında" qanunla tənzimlənir.
Məqalə müəllifi ilə əlaqə ünvanı: [email protected]
