Qazaxıstan, Astana, 03 аvqust / Trend , müxbir K.Konırova /
Hazırda Sinszyan-Uyğur Muxtar Respublikası (SUMR) Qazaxıstanın şop-turistləri və işgüzar səyahətlər üçün təhlükəsizdir. Bu barədə bazar ertəsi Astanada mətbuat konfransında Çinin Qazaxıstanda Fövqaladə və Səlahiyyətli səfiri Çen Qopin bəyan edib.
"SUMR-da nizam-intizam bərpa olunub. Hər ilin sentyabrında Urumçidə ticarət yarmarkası keçiriləcək. Çin hökuməti sözügedən regionda stabilliyi təmin etməyə qadirdir. Hazırda bu məqsədlə Urumçidə Çin polisi şübhəlilərin həbsini həyata keçirir", - çinli diplomat bildirib.
Onun məlumatına əsasən, hazırda bu ilin iyul ayının əvvələrində SUMR-in mərkəzi Urumçidə baş verən kütləvi iğtişaşların təşkilində şübhəli bilinən 800 nəfər həbs edilib.
"Çin polisi vəd edir ki, bütün günahkarlar layiq olduqları cəzanı çəkəcək", - Qopin qeyd edib.
"Şübhəlilər arasında əsasən uyğurlar yer alır, onlar arasında hələ heç bir qazax yoxdur", - səfir jurnalistlərin müvafiq sualına cavab verərkən bildirib.
Səfirin sözlərinə görə, indiyədək iyul iğtişaşlarında həlak olanların sayı 197 nəfər təşkil edir ki, onların da əksəriyyəti xanlardır (Çində çoxsaylı millət). 1600 nəfər müxtəlif ağırlıq dərəcəsində zədə alıb. 530 nəfər hələ də xəstəxanadadır, onların 13-ü son dərəcə ağır vəziyyətdədir, 44-ü isə ağır vəziyyətdədir.
"Hazırda həlak olanların ailələrinə maddi yardım verilməsi üzrə işlər həyata keçirilir. Bu vəsait təxminən 420 min yuan təşkil edir (200 min yuan Çin hökuməti tərəfindən, 200 min yuan yardım fondu tərəfindən, 10 min yuan dəfn etmə üçün, 10 min yuan isə başsağlığı əlaməti olaraq təqdim edilir)", - səfir bildirib.
Onun sözlərinə əsasən, iyulun 23-dək iğtişaşlar zamanı həlak olan 123 nəfər dəfn edilib.
Qopinin dediyinə görə, iğtişaşlara görə məsuliyyəti "separatçı təşkilat " olan Ümumdünya Uyğur Konqresi daşıyır.
"Bəzi qərb dövlətləri bu təşkilatı dəstəkləyir. O dövlətlər Çinin tərəqqisini istəməyən dövlətlərdir", - səfir qeyd edib.
Məqalə müəllifi ilə əlaqə ünvanı: [email protected]
