Qazaxıstan, Astana, 19 avqust / Trend , müxbir K.Konırova /
Sentyabrın sonunda İranın Əmirabad limanında taxıl terminalının birinci növbəsinin inşası baş tutacaq. Bu barədə Trend -a Astanadan "Ərzaq Korpoasiyası" SC-nin xarici iqtisadi faəliyyəti üzrə departamentinin direktoru Daulet Uvaşev bildirib.
"Senyabr ayının sonunda İranın Əmirabad limanında taxıl terminalının birinci növbəsi işə salınacaq və 25 min ton Qazaxıstan taxılı qəbul ediləcək", - Uvaşev bildirib.
Onun sözlərinə əsasən, ikinci növbənin işə salınmasından sonra terminal eyni zamanda 53 min tona kimi taxıl qəbul edə bilər.
"25 min ton həcmində ilk partiya əvvəlcədən bəyan edildiyi kimi, sentyabrın sonunda İran limanına göndəriləcək. Gələcəkdə tədarüklərin həcmi İranın tələbatından və əldə olunan razılaşmalardan asılı olacaq", - Uvaşev bildirib.
Departament direktorunun sözlərinə əsasən, Qazaxıstan oktyabr ayından bu terminala öz taxılının müntəzəm tədarükünü həyata keçirəcək. O xatırladıb ki, Aktau dəniz limanından Qazaxıstan taxılı iki istiqamətdə ixrac olunur - Bakı və Əmirabad.
"Ərzaq Korporasiyası" SC "Behdiz Şirkəti" (İran tərəfi) ilə birgə paritet əsasla 2007-ci ildə İranın Əmirabad limanında taxıl terminalının inşasına başlayıb. Əsas işlər ötən və cari il ərzində aparılıb.
Uvaşevin sözlərinə əsasən, terminalın ilin sonunda istismara verilməsi planlaşdırılır. Terminalın layihə gücü ildə 700 min ton taxıl təşkil edir.
"Əmirabad limanında taxıl terminalının istisamara verilməsindən sonra İran və Zaqafqaziya ölkələri bazarına ixrac üçün nəqliyyat-loqistika zəncirinin yaradılması tamamlanacaq", - "Ərzaq Korporasiyası"nın nümayəndəsi bildirib.
Trend -ın müxbirinin sualına cavab verən Uvaşev qeyd edib ki, Əmirabadda terminalın işə başlaması ilə İrana, taxıl tələbatı ildə 3,5 milyon ton təşkil edən qonşu İraqa taxıl tədarükünün həyata keçirilməsi imkanı da yaranır.
"Lakin taxılı üyüdərək İraqa un şəklində tədarük etmək daha əlverişlidir", - o bildirib.
Məqalə müəllifi ilə əlaqə ünvanı: [email protected]
