Azərbaycan, Bakı, 21 avqust / Trend , müxbir Ü.İsmayılova /
Azərbaycanda 2008-ci ilin analoji dövründəki 173 ipoteka kağızına nisbətdə yanvar-iyul aylarında 59 ipoteka kağızı qeydiyyatdan keçib. Bu barədə Qiymətli Kağızlar üzrə Dövlət Komitəsinin cümə günü yayılmış məlumatında deyilir.
"İpoteka kağızları bazarının azalması il ərzində 65,9 faiz təşkil edib", - məlumatda deyilir.
Bu dövrə ötən ilin yeddi ayı ərzində olan 201 ipoteka kağızına nisbətdə 10,9 faiz azalma ilə əlavə olaraq 179 ipoteka kağızı qeydiyyatdan keçib.
Məlumatda həmçinin deyilir ki, bu dövr ərzində ötən ildəki 179 girov qəbzinə nisbətdə 93 girov qəbzi və 2008-ci ilin yeddi ayı ərzində olan 107 girov qəbzinə nisbətdə əlavə olaraq 32 girov qəbzi qeydiyyatdan keçib.
Azərbaycanda ötən ilin yanvar-iyul aylarında olan 174 mənzil sertifikatına nisbətdə yanvar-iyul aylarında 387 mənzil sertifikatı verilib. İl ərzində artım 122,4 faiz təşkil edib.
Mənzil sertifikatının verildiyi daşınmaz əmlak obyektlərinin ümumi sahəsi ötən ilin analoji dövründəki 18,18 min kvadratmetrə nisbətdə 81,83 min kvadratmetr təşkil edib. İl ərzində artım 4,5 dəfə təşkil edir.
Ötən ilin yeddi ayı ərzində olan 14,1 milyon manata nisbətdə 277,1 milyon manat dəyərində mənzil sertifikatları buraxılıb. İl ərzində artım 19,6 dəfə təşkil edib. Emitentlərin sayı üçə bərabər olub.
Avqustun 21-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
