Azərbaycan, Bakı, 26 avqust / Trend , müxbir Ü.İsmayılova /
İyulda Bakının ilkin mənzil bazarında qiymətlər 0,3 faiz - bir kvadrat metr üçün iyundakı 947 dollara qarşı 944 dollaradək ucuzlaşıb. Bu barədə çərşənbə günü "Əmlak Bazarı İştirakçıları" İctimai Birliyindən verilən məlumatda deyilir.
Ötən ay olduğu kimi bu ay da qiymət ucuzlaşması əsasən bahalı mənzillərdə müşahidə olunub.
İyulda ilkin mənzil bazarında qiymətlərin artımı yalnız Bakının Yasamal rayonunda baş verib - 2,7 faiz. Bazarda orta qiymətin azalmasına baxmayaraq, Səbail (2,8%) və Nərimanov (1,0%) rayonlarında qiymət artımı qeydə alınıb.
Təşkilatın ekspertləri hesab edirlər ki, ipoteka kreditlərinin verilməsi ayın əvvəllərində ilkin bazarda nisbi aktivlik yaratsa da, bu özünü qiymətlərdə və bağlanan əqdlərin dinamikasında göstərməyib. İyul ayının ikinci həftəsindən etibarən bazarda daha kəskin passiv tendensiya müşahidə olunub.
İyulda ilkin mənzil bazarında 177 tikinti şirkəti 484 binanın tikintisini davam etdirib. Keçən ay olduğu kimi bu ay da binaların əksəriyyəti Bakının Yasamal rayonunda tikilir. Sonra Xətai və Nəsimi rayonları gəlir. Bu üç rayondakı tikinti işləri ilkin mənzil bazarı portfelinin 63,8 faizini təşkil edir.
Tikilən binalarda orta mənzil sahəsi keçən aydakından 0,3 faiz azalaraq 122 kvadratmetrə enib. Orta blok göstəricisi 2,3, orta mərtəbə göstəricisi 15 olub.
Yeni tikililərdə üçotaqlı mənzillər daha çox üstünlük təşkil edir. Beşotaqlı mənzillər əsasən şəhərin I zonasında yerləşir. Birotaqlı mənzillər isə daha çox III zonanın payına düşür. May ayında birotaqlı mənzillərin orta sahəsi 60,8 kvadratmetr (dəyişməyib), ikiotaqlı mənzillərin orta sahəsi 93,2 kvadratmetr (dəyişməyib), üçotaqlı mənzillərin orta sahəsi 133,2 kvadratmetr (artım 0,1%), dördotaqlı mənzillərin orta sahəsi 183,5 (azalma 0,4%), beşotaqlı mənzillər üzrə isə orta sahə 253,6 (dəyişməyib) kvadratmetr təşkil edib.
Bazarın portfelində üçotaqlı mənzillər üstünlük təşkil edir. Birotaqlı mənzillərin orta sahəsi ötən ay 60,8 kvadratmetr təşkil edib (iyuna nisbətən dəyişiksiz), ikiotaqlıların 93,2 kvadratmetr (dəyişiksiz), üçotaqlıların 133,2 kvadratmetr (+0,1%), dördotaqlılarda 183,5 kvadrat metr (- 0,4%), beşotaqlı mənzillərin orta sahəsi isə 253,6 kvadratmetr təşkil edib (dəyişiksiz).
Məqalə müəllifi ilə əlaqə ünvanı: [email protected]
