Azərbaycan, Bakı, 27 avqust / Trend , müxbir Ü.İsmayılova /
Azərbaycan Sahibkarları Təşkiltalarının Milli Konfederasiyası (ASTMK) azərbaycanlı sahibkarlar üçün beynəlxalq ticarət standartlarının öyrənilməsi üzrə treninqlərin təşkil edilməsi məqsədilə Dünya Bankı (DB) ilə danışılar aparır. Bu barədə cümə axşamı Konfederasiyanın prezidenti Məmməd Musayev bildirib.
"Sözügedən treninqlərin keçirilməsində əsas məqsəd azərbaycanlı sahibkarlara dünya bazarına məhsul ixracında dəstək göstərməkdir", - Musayev bildirib.
Onun sözlərinə əsasən, Azərbaycanda kifayət qədər məhsul istehsal olunur. Onlar dünya bazarına çıxış imkanına malikdirlər, lakin beynəlxalq standartlara və istehsal məhsulları sertifikasiyası standartlarına cavab vermir.
"Azərbaycanlı sahibkarlar dünya bazarına çıxış üçün dəstəyə ehtiyac duyurlar, bununla əlaqədar olaraq biz DB-yə müraciət etdik", - Musayev bildirib.
Məqalə müəllifi ilə əlaqə ünvanı: [email protected]
