Azərbaycan, Bakı, 28 avqust / Trend , müxbir H.Vəliyev /
Azərbaycanın prosessinq mərkəzi "Milli Kart" MMC yeni mobil GSM/GPRS POS-terminal VeriFone Vx610-nu uğurla sınaqdan çıxarıb. Bu barədə Trend -a Azərbaycan Mərkəzi Bankından bildirilib. Milli Kart 18 bankın mülkiyyətindədir.
Mənbənin məlumatına əsasən, hazırda Milli Kart sistemində xidmət göstərən banklar tərəfindən sözügedən POS-terminalların tətbiqinə maraq var. Layihə "Mobiltim" və "NBA Technologies" şirkətləri ilə birgə həyata keçirilir. Yeni GSM/GPRS POS-terminal VeriFone Vx610 mürəkkəbtərkibli yüksək sürətlə işə malikdir. Proqramlaşdırılan məxfilik modulu terminalı idarəetmənin hər bir təhlükəsiz sxeminə uyğunlaşdırmağa imkan verir.
Yeni mobil terminal plastik kart xidməti məntəqələrini praktiki olaraq hər bir yerdə yerləşdirməyə imkan verir. Ticarət mərkəzlərində maksimum dərəcədə plastik kartların istifadə olunması ilə ödəmələrin qəbulu üzrə məntəqələrin sayı tez bir zamanda artırıla bilir. Misal üçün, supermarketlərdə əlavə ödəmə məntəqələri açmaq və ya attraksion parklarında, həmçinin şəhər kənarında olan klub və restoranlarda kartların ödəmə qəbulunu həyata keçirmək olar.
Terminal lazımi qurğulara malikdir və əlavə xarici avadanlığa ehtiyac duymur. Həssas xarici antena terminala GSM siqnalının zəif səviyyəsində tranzaksiya keçirməyə imkan verir. Rabitə xidmətləri "Azərcell Telecom" mobil rabitə operatoru şəbəkəsi vasitəsilə təqdim edilir.
MMC 2006-cı il iyulun 14-də ölkənin 18 kommersiya bankı tərəfindən Azərbaycan Mərkəzi Bankından kart ödəmələrinin prosessinq mərkəzinin alınmasından sonra təsis edilib. Üç il ərzində MMC Mərkəzi Bankda sahə götürəcək. Sonra şirkət üçün ayrıca binalar inşa ediləcək ki, bu da prosessinq mərkəzlərinin təhlükəsizliyi tələblərinin yerinə yetirilməsi üçün ən yaxşı üsuldur.
Mərkəzin təsisçiləri: Atabank, Azərdəmiryolbank, AzərTürkbank, Bank of Baku, Azərbaycan Sənaye Bankı, Debütbank, Əmrahbank, Xalq Bank, Credo Bank, Access Bank, Parabank, Rabitəbank, Bank Respublika, Bank Standard, Texnika Bank, Turan Bank, UniBank və ZaminBank.
Məqalə müəllifi ilə əlaqə ünvanı: [email protected]