Azərbaycan, Bakı, 02 sentyabr / Trend , müxbir Ü.İsmayılova /
Azərbaycan Dövlət Şəhərsalma və Arxitektura Komitəsinin Tender Komissiyası "Böyük Bakının regional İnkişaf planı"nın hazırlanması üzrə tender təkliflərinin açılması prosesinə başlayıb. Bu barədə çərşənbə günü Komitənin Beynəlxalq əlaqələr və informasiya şöbəsinin müdiri Cahangir Qocayev deyib.
"Komissiya artıq texniki təklifər olan zərfləri açıb", - Qocayev deyib.
Onun sözlərinə görə, Tender Komissiyası hesab edir ki, qalibin seçilməsi üçün bir neçə gün lazım olacaq. Çünki bütün təkliflər cəlbedici və müxtəlifdir.
"Tender Komissiyası hələki yalnız texniki təklifləri nəzərdən keçirir. Maliyyə təklifləri hələlik açıq deyil", - Qocayev deyib.
Tenderdə iştirak üçün dünyanın 21 ölkəsindən 34 şirkət ərizə verib. Onlardan tenderə 6 qrup şirkət buraxılıb:
AS&P Albert Speer & Partners GmbH (Almaniya);
Moshe Zur Architects Town Planners Ltd., Marmanet organization & Projects, Management International Ltd.,Geoda Geographical Data, Landed Property, Mapping and Surveying Ltd. (İsrail);
EDAW, AECOM (ABŞ);
HOK (Hellmuth, Obata and Kassabaum) Inc., Development Planning Unit, (İngiltərə), Shaw Consultants International (ABŞ), Scott Wilson (Az. Office) (İngiltərə);
GHK Consulting (İngiltərə), International Land System Inc.(ABŞ), Synergetics Ltd. (Azərbaycan);
Urban Solutions (Hollandiya), Hansen Partnership (Avstraliya), Bakı Dövlət Layihə İnstitutu (Azərbaycan).
Tender proseduru Beynəlxalq Yenidənqurma və İnkişaf Bankının (DB qrupuna daxil) dəstəyi ilə keçirilir.
"Plan "Böyük Bakı" adlandırılıb. Bakının köhnə planı qrafiki prinsipləri və paytaxtın 22 min hektar ərazisinin konsepsiyasını əhatə edirdi. Paytaxtın real ərazisi 219 min hektardan çoxdur", - bir müddət öncə Qocayev deyib.
Bakı şəhərinin sonuncu baş planı 1987-ci ildə qəbul edilib. Artıq bir ildir ki, Azərbaycan hökuməti tərəfindən, yəni Dövlət Şəhərsalma və Arxitektura Komitəsi tərəfindən DB-nin krediti hesabına "Böyük Bakı"nın regional inkişaf planının hazırlanması üzrə layihə həyata keçirilir. Bu layihə özündə Bakı və Sumqayıtın, eləcə də Abşeron rayonunun yaxın 20 ilə perspektiv inkişafını əks etdirir.
Layihə üç milyon nəfərdən çox əhalisi olan regionu əhatə edəcək. Şübhəsiz, layihə Azərbaycanın şəhər planlaşdırmasında yeni mərhələ olacaq. Layihədə yeni texnologiyalar, məsəlın, coğrafi-informasiya sistemi və s. tətbiq olunacaq.
Məqalə müəllifi ilə əlaqə ünvanı: [email protected]
