Azərbaycan, Bakı, 07 sentyabr / Trend /
Azərbaycanın İqtisadi İnkişaf Nazirliyi yanında İstehlak Bazarı üzrə Dövlət Nəzarəti Xidməti Bakıdakı beş ticarət obyektində "Slavyanka №1"əmtəə nişanlı suyun satışını qadağan edib. Bazar ertəsi nazirlikdən verilən məlumatda deyilir.
"Laborator müayinənin gedişində kimyəvi tərkib etiketdə göstərilən kimyəvi tərkibə uyğun olmadığı üçün bir ticarət obyektdən götürülmüş 116,5 litr "Slavyanka №1" əmtəə nişanlı suyun satışı qadağan edilərək, onun qanunvericilikdə nəzərdə tutulmuş qaydada təkrar emala göndərilməsi barədə göstəriş verilib", - məlumatda deyilir.
1863,5 litr "Slavyanka №1" əmtəə nişanlı sular 5 obyektdən satışdan çıxarılaraq laborator müayinəyə göndərilib. Nəticələr məlum olana qədər bu əmtəə nişanlı məhsulların satışı dayandırılıb. Hazır məhsulda bağırsaq çöplərinin normadan çox olması ilə əlaqədar olaraq 1747 litr məhsulun satışdan çıxarılaraq məhv edilməsinə qərar verilib.
"Azərsu" Səhmdar Cəmiyyətinin Bakı Su Kəməri İstismar İdarəsinin Mərkəzi kimyəvi-bakterioloji laboratoriyasında aparılmış laborator müayinələrin nəticəsinə əsasən Dövlət Xidməti bu qərarı qəbul edib.
Məqalə müəllifi ilə əlaqə ünvanı: [email protected]