Azərbaycan, Bakı, 09 sentyabr / Trend , Ü.İsmayılova /
Bakıda oktyabrın 19-da Qara Dəniz İqtisadi Əməkdaşlıq Təşkilatının (QİƏT) İşçi Şurasının növbəti iclası keçiriləcək. Bu barədə çərşənbə günü İşçi Şurasının rəhbəri Azərbaycan Sahibkarlar Təşkilatları Milli Konfederasiyasının (SKMT) prezidenti Məmməd Musayev deyib.
[QİƏT-də Azərbaycanın sədrliyi ilə əlaqədar olaraq, bu təşkilatın İşçi Şurasına ölkənin SKMT prezidenti başçılıq edir.]
"Ölkənin QİƏT-də sədrliyi dövründə konfederasiya oktyabrın sonunadək Bakının İslam mədəniyyəti mərkəzi elan edilməsi çərçivəsində regionda zeytun istehsalının inkişaf etdirilməsinə həsr edilmiş konfrans keçirməyi planlaşdırır", - Musayev deyib.
QİƏT-nın İşçi Şurası beynəlxalq qeyri-dövlət təşkilatıdır. Bu təşkilatın üzvləri işgüzar dövlət nümayəndələridir.
1998-ci il iyunun 5-də Yaltada Azərbaycan, Albaniya, Ermənistan, Bolqarıstan, Yunanıstan, Gürcüstan, Moldova, Rusiya, Rumıniya, Türkiyə və Ukraynanın dövlət başçıları və nümayəndələri tərəfindən təşkilatın nizamnaməsi imzalanmaqla QİƏT-in əsası qoyulub.
QİƏT ölkələri vahid Qara dəniz dairəsində milli enerji sistemlərinin birləşdirilməsi üzrə birgə layihə və regional nəqliyyat dəhlizlərinin dünya nəqliyyat sisteminə inteqrasiyası üzərində işləyir. Hazırlanma mərhələsində Qara dəniz regionunda ətraf mühitin qorunması proqramı yer alıb. QİƏT və Avropa Şurasının qarşılıqlı fəaliyyəti həyata keçiriləcək. QİƏT-də nəzarətçi statusuna Almaniya, Avstriya, Misir, İsrail, İtaliya, Polşa, Slovakiya, Tunis və eləcə də Enerji Xartiyası Konfransı (ЕСС - Energy Charter Conference) və Qara dəniz klubları malikdirlər. QİƏT BMT-də nəzarətçi statusuna malikdir.
Məqalə müəllifi ilə əlaqə ünvanı: [email protected].
