Azərbaycan, Bakı, 15 sentyabr / Trend /
"BP və Azərbaycanın 15 il bundan öncə başlayan birgə işi öz müsbət nəticəsini verib. Hazırda Azərbaycan yüksək sürətlə inkişaf edir və mən şadam ki, bu inkişafa müəyyən töhfə vermişəm", - Bakıda çərşənbə axşamı "Əsrin müqaviləsi"nin 15 illiyinə həsr olunmuş tədbirdə ARDNŞ prezidenti Rövnəq Abdullayevlə görüş zamanı BP Azerbaijan şirkətinin eks-prezidenti Uilyam Şreder bildirib.
"BP Azərbaycan hökuməti və ARDNŞ ilə möhkəm münasibətlər qurub. Şirkət bu münasibətləri indiyə kimi heç bir ölkə ilə qurmayıb", - Şreder deyib.
Tədbir zamanı Şreder ARDNŞ prezidenti Abdullayevə gələcək fəaliyyətində uğurlar arzulayıb və bütün neftçiləri sentyabrın 20-də qeyd olunacaq peşə bayramı münasibətilə təbrik edib.
Avqustda Rəşid Cavanşir BP Azerbaijan-ın prezidenti vəzifəsində Uilyam Şrederi əvəz edib.