Azərbaycan, Bakı, 02 oktyabr / Trend , müxbir N.İsmayılova/
2009-cu ilin avqust ayında Azərbaycan banklarının depozit bazası yarım faiz, ilin əvvəlində 9,2 faiz, illik isə 4,8 faiz azalıb. Bu barədə cümə günü Azərbaycanın Mərkəzi Bankından (AMB) bildirilib.
AMB-nin məlumatlarına görə, 2009-cu il sentyabrın 1-də fiziki şəxslərin bank depozitləri və əmanətlərinin ümumi həcmi 4090,2 milyon manat təşkil edib. Bu göstərici avqustun 1-də 4154 milyon manat, 2009-cu il yanvarın 1-də 4505,7 milyon manat, 2008-ci il sentyabrın əvvəlində isə 4296,4 milyon manat təşkil edib. Bu həcmin 1530,1 milyon manatı manatın, 2560 milyon manatı vəsaitin, 2560 milyon manatı isə valyutanın payına düşüb.
Avqust ayında fiziki şəxslərin əmanətləri 1,2 faiz artıb, hüquqi şəxslərin depozit həcmləri isə 4,1 faiz azalıb. Yanvar-avqust aylarında fərdi müştərilərin depozitləri 6,3 faiz artıb, korporativ müştərilərin depozitləri isə 20,6 faiz azalıb. Fərdi müştərilərin illik hesabla depozitləri 10,8 faiz artıb, korporativ müştərilərin depozitləri isə 16,4 faiz azalıb.
2009-cu ilin sentyabrın 1-nə fiziki şəxslərin ölkə banklarında əmanətlərinin həcmi 2024,1 milyon manat təşkil edib. Bu göstərici avqustun 1-nə 1999,3 milyon manat, yanvarın 1-nə 1903,7 milyon manat və 2008-ci il sentyabrın 1-nə 1826,2 milyon manat təşkil edib.
Sentyabrın əvvəlində hüquqi şəxslərin depozitlərinin həcmi 2066 milyon manat təşkil edib. Bu göstərici avqustun 1-nə 2154,7 milyon manat, yanvarın 1-nə 2602 milyon manat, ötən ilin sentyabrın 1-nə isə 2470,2 milyon manat təşkil edib.
Sentyabrın 1-nə fiziki şəxslərin 732,4 milyon manat həcmdə əmanətləri və depozitləri milli valyutada, 1291,7 milyon manatı isə SKV-də (sərbəst konversiya edilə bilən valyuta) həyata keçirilib. Hüquqi şəxslərin depozitlərinin 797,7 milyon manatı manatla, 1268,3 milyon manatı isə SKV-də həyata keçirilib.
Oktyabrın 02-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
