Azərbaycan, Bakı, 06 oktyabr / Trend , müxbir Ü.İsmayılova/
"Azərbaycan regionlarının 2009-2013-cü illərdə sosial-iqtisadi inkişafı üzrə Dövlət Proqramı" çərçivəsində ölkədə mineral gübrələrin saxlanması üçün altı logistik baza tikiləcək. Bu barədə çərşənbə axşamı "Aqrolizinq" ASC-nin başçısı Əli Bayramov bildirib.
"İki logistik baza artıq Şəki və Sabirabadda tikilib. Xaçmaz və Şəmkirdə isə daha iki bazanın tikintisinə başlanılıb", - Bayramov deyib.
Onun sözlərinə görə, yaxın zamanlarda daha iki logistik baza İmişli və Cəlilabadda tikiləcək.
Bayramov həmçinin bildirib ki, "Aqrolizinq" xətti ilə ölkə regionlarında kənd təsərrüfatı məhsullarının saxlanması üçün 19 soyuducu kamera tikilib, onların 15-i artıq istismara verilib və hazırda daha dördünün inşası davam etdirilir.
"Aqrolizinq" şirkətinin ölkənin 55 rayonunda xidmət məntəqəsi var. ASC 2005-ci ildə öz fəaliyyətinə başlayıb və 8,817 min aqrotexnika, o cümlədən 745 buğdayığan kombayn, 2,25 min traktor, 132 ekskavator, 5,69 min müxtəlif kənd təsərrüfatı texnikası istifadəyə verib.
Məqalə müəllifi ilə əlaqə ünvanı: [email protected]
